Vammleysi

Vammleysi, (ekki sakleysi), sköpun, sambúð, samtíð. Og ekki upptalið! Eru til vammlausir ruddar og sukkarar í vitund okkar og samtíð? Nú, líkast til. Jafnt innan sem utan blindramma eiginmanna/kvenna. Víst þarf ritúal til. Hvort heldur hafðar eru samfarir eða dýri slátrað í næstu mál. Hvað er helgi án ritúals? Er vammleysi viðmið sem heldur, eða hliðstæða? Heimur skapandi einstaklinga, ókerfislægra eða hvað líkt og háhitasvæðin þeirra sem það líkar?
Er menntun í munni samtímafólks, lifenda, fagmennska (sbr. handrukkun), gegnsæi (sbr. þokulúður), opið lýðræði (án kjörklefa) ávísun málþola frumubúnta á umbreytta og átakalausa framtíð, áskrift að launum í heimi án fordóma, full af galdri, ungviðis, seinna öldunga, vammlausra og gegnsærra e.t.v. rudda með blótsyrði drottnarans á vör. Réttlæti, tímafrekt, úrelt, þar til eitt skipti fyrir öll: Heimur réttlætis án bölvunar. Vammlaus!