Þarsíðastur þetta og hitt

  Þar næstur, næst síðastur, næst fyrstur, þeir fyrstu verða síðastir, síðastir fyrstir. Í mark. Þar síðastur þetta og hitt, vel tilkeyrðir í skóla; undirmál! Kæru landar! Þar fyrstir. Í mark.

Um aldamótin 1900 var tekið manntal í Egyptalandi. Fjöldinn var u.þ.b. þrjár milljónir, álíka margir og Belgar. Í Egyptalandi og Belgíu var ræktarland þá sem nú  álíka mikið. Á okkar dögum, sem nú lifum eru Belgar um 11 milljónir, heldur færri en grannar þeirra Hollendingar. Egyptar eru nú í byrjun 21. aldar rúmar 80 milljónir. Það er því vel að verið. Sama gegnir um t.d. Jemena, Palestínumenn Nígeríumenn o.fl. Evrópumenn og Japanir eru aftur flestir miðaldra og eldri.

Okkar unggæðisháttur, Íslendinga? Hvers vegna þarf landinn, ekki lengur hrínandi og á bleyjualdri, upp til hópa að temja sér gelgjulegan kæruleysishátt varðandi málleysur, svo að oft og tíðum jaðrar við skrípimál þeirra sem annast fasta liði í fjölmiðlum? Mexíkóborg er botni uppþornaðs stöðuvatns. Kani í gömlu máli merkir m.a. askur, skál. Því hlaupa allir samtímis upp til handa og fóta og byrja að kalla Mexíkana Mexíkóa? Hverslags fyrnska er það hjá blauthyggjubossum hversdagslífsins, að allir skuli samtímis finna jafn ríkt til þeirrar þarfar að kalla hlutina tilfallandi bara eitthvað annað til þess hvað, að hugnast rótleysi sínu, leiða eða nýungagirni? Vanda sig betur.