Vinstri róttækni sneglan ótamin

  Hvað segir af vinstri róttækni nú um stundir? Að segjast vera, að segjast ekki vera, hvort heldur blautlegir, paronoid, shitzophren eða tvíkynhneigðir. Amast við einstaklingshyggju brauðvinnunga, barnafólks. Ofstækisfullir í samkenndinni og æstir; hluti af kúrnum, löngum vitandi af IRA vinstri róttæklinga, Rauðu herdeildunum á ítalíu og Þýskalandi, PLO, léttum liðstyrk japanskrar kommúnistaklíku, MPLA og Sandínista, tengslunum við KGB og austurblokkina sáluðu. Þurftu enga angist, þjáningu eða ama að líða fyrir garpskapinn. Aktífistar strúktúalistar, sekúlar vinstri róttækni, post þetta post hitt, elskandi heimsfriðinn af hjarta, sem hóf slátt á skrifstofu Villa Munsenbergs, upptendraðir af hugmyndafræði í nafni framsækni. Hvert? Sjá veruleika heims í teoríu, analysu, abstraktsjónum, líka gleraugnalaust, og ef ekki vill betur, í gegnum rafeindasmásjá. Hold og blóð. Tískuþrenning okkar tíma: fundamentalismi, gjörningalist, þjóðfélagsverkfræði. Afsneiðingar: pönkmetall, þriðjaflokks háskólar, fjölmiðlaskrum o.fl.. Þegnar grjótkvarnar, róttæka vinstrið + lókal varnarleysi, pólitískar mublur, allsherjar hlutaveltu á tilraunastofu fjölkyngisvísinda hins magíska heims, og lýtur valdi útlærðra, lýðræðislegrar fagmennsku, stjórnlistar án minnstu nauðungar.

Skapandi sköpunarinnar vegna, sköpunarverk í vitund vitna og viðfanga. Fá gefins brauð eða kaupa, eiga kreditkort og lifa á því. Vilja öllum vel, fullir af hatri og það engin tilgerð. Allt vemmilegt, spennandi lygi, logandi geðshræring undir vökulu auga þess sem vel fyrir sér, óþrjótandi dægrastyttingu, draugafans. Þrotlaus uppspretta lýjandi leiðinda, akur markaðs- og menningarfræðinga.

Sannleikurinn elskar alla, er af holdi og blóði, svo öllum er óhætt.

Upplifanir, endurminningar, minni, gleymska. Gamla egypska ríkið 2500 fr.kr., heimsmynd þess og vissa tímanna. Ptolemeus, Kepler, Newton og Einstein, Aristoteles og Darwin. Rio Speedwagon, Stalin og Röhm og Virginia Woolf.

Öldruð hjón á Álftanesi, upp úr öldinni miðri, þeirri 19., stóðu á góðviðrisdegi eitthvað dálítið í glasi, upp við hús sitt og studdu það vendilega, svöruðu góðlátlega þeim, sem hjá garði gengu, að víst væri fárviðri í vændum. Post-post öldin 20. Ætli nokkuð annað hús, til þess að fá staðist, hafi fengið annan eins stuðning á jafn góðum degi, og fékk staðist. Demókrítos, atómið og Dægradvöl Benedikts Gröndals.

Safnast nú öll hrófatildur sem vettlingi geta valdið, mest út úr leiðindum, í Evrópusambandið, félag afkomenda þeirra sem fyrrum bjuggu við átthagafjötra og bændaánauð, gamalla nýlenduþjóða, post fasistar, nasistar, kommúnistar, liberalar, Lúteranar, kaþólikkar, kalvínistar og það án þess skeyta um hvað máli skiptir, stenst. Hvern skal undra?

Post þetta, post hitt, hipsum hapsí og gramsara grams. Allir yfirbugaðir af slapplegri vinstrikúltúr linku, lúpulegri einsýni, hryllingstöfrum, uppbótalaust, geyp. Þeir sem enga eiga að í eigin fortíð utan samsafn hálfhungurmorða drauga, (vængjaðra víkinga), eru hálfgerðar afturgöngur sjálfir í speglasal motion picture risanna. Týnið ykkur! Eiga að taka ómakið af kjörnum fulltrúum og ákveða eftir talningu eða nafnakall hvað í nánustu framtíð af þeim sjálfum og öðrum skal verða!  

Hér þarf meira til. Sjálftekt þarf hvorki að hljóma sem rán og kemur illa heim og saman við skruðninga í ódýrum peningum. Það kemur sér betur að hafa eitthvað í handraðanum þegar gengið verður til kosninga á næstunni annað en beining sína og hljóða spurn. Hvað er mögulega hægt að gera af viti við auðfenginn og skjótfenginn gróða. Þegar upp verður staðið verða skuldbindingar, eftir sem áður þær sömu, að fullu teknu tilliti til efnda.

  Engin undrunarefni stóðu góða dátanum Sveik út af laginu í hans veraldarvolki. Hverjum ætti því að vera vorkun, af öllu undirsátum eftirhermunnar allar götur, okkur sem lifum, að láta  að sinni ekki skeika að sköpuðu þó á skorti drífandi hvatningu til ærlegra verka, t.d. lækkunar á raforkuverði til innlendra framleiðslufyrirtækja.

Import, export, debit kredit. Ódýrt fjármagn, óþol glingrumprangara hefur sýnt sig að vera haldlaust reiðileysi lukkuriddara og gúllasbaróna; tóm látalæti og klækir. Lifir í dæmisögum Esóps. Grikkir, Föníkíumenn, Feneyingar, Niðurlendingar, Hansamenn stunduðu kaupskap á framleiðsluvörum. Tvöfalda bókhaldið er óbrenglað perspektíf kapítalismans og verður allan hans aldur.