Einnota fólk (líkt og tölvur)

   Kannast ekki einhver fálkinn ef til vill við prófessor, Paul Feyerabend, heimspekiprófessor í Berkley Californíu, sem og Tækniháskóla svissnesska svardagasambandsins í Zürich, hátt upp undan haukfránu bergi; í arnsúgnum? Víða er malað gull oní miðri örbirgð. Og þar þrífst þrælahald, nútímaþrælahald; dulið þrælahald; bannað með lögum. Í stórborgum og til sveita í þriðja heiminum, í S-Ameríku, Asíu, Suðaustur Asíu, Indlandi, Pakistan, í Arabaheiminum, Afríku, borgum Evrópu og N-Ameríku. Í Mauritaníu samfellt og hefðbundið frá dögum Rómverja, lengur. Dæmi eru um kynslóðir þræla þar mann fram af manni í marga ættliði undir sama þrælapísk. Márar/blökkumenn.

Nútímalegt þrælahald er ólíkt því sem áður var stundað, hefðbundið og að lögum. Nútíma þrælar eru á að giska þrjátíu milljónir. Þeir eru líkt og tölvur einnota, hafðir til hámarks afkasta að hámarks ávöxtunarkröfu frjáls markaðar. Kjör frjáls verkafólks á sama vinnumarkaði er vissulega markað af jafn lúalegu lagi. Ýmsar vörur margar ódýrari á neyslumarkaði hins hnattvædda heims. Jafn félegt og það nú er. Engri þjóð, sem vitað er um, og lætur þennan dulda ófögnuð líðast, Kínverjar meðtaldir, hefur verið hótað viðskiptaþvingunum af þessum sökum. Sakir, sem ættu að öllu eðlilegu að teljast til þess fullbærar. Konur eru almennt nógu uppteknar af sjálfum sér og allt gott um það. Öllum er gert að vita hvað þær þurfa níddar að líða undir viðskiptavinum kynlífsþrælahaldara sinna. En meira þarf ef duga skal. Er æska okkar lands orðin það vansæl (eða hefur löngum verið) flestum stundum innan um öll tæki og tól, að þegar hún loks gengur fyrir gafl (verður kynþroska) taka sífellt fleiri úr þeirra röðum til þess óyndisúrræðis að eiga mök við varnarlaust ungviði, börn? Sjálfum sér til aflausnar? Ef standa á í lappirnar þarf að hreyfa málum af afli með alþjóðaþrýstingi. Hvar og hvenær sjá íslensk stjórnvöld sér fært að tæpa á málum? Myndi það ekki ef til vill laga eitthvað kúrsinn út úr þessu líkani af heimi og umfjöllun, sem lengi tíðkast hefur, afþreyingu og sirkuslátum sem þorrinn er fastur í. Glapinn. (Sjá: Disposable People: New slavery in The Global Economy höf.Kevin University of California Press, Berkly 2000)