Kreddur, tilgátur?

Tilgátur, spurningar: gagnrýnin hugsun - praksís, kenningar, teóríur. Ofstæki, víðsýni. Getur verið? Getur verið, að á bak við heim poppsins og rokksins standi og hafi staðið stórgróðahagsmunir risafyrirtækja, sem skilað hafa meiri hagnaði en kvikmyndaiðnaðurinn, stærstu stálhringar heims eða McDonalds. Samfara poppinu fór eiturlyfjadreifing, sala og neysla, en áhrif dópsins eru hliðstæð áhrifum popptónlistar, uppmögnuð hrynjandi, sem ber með sér algleymi á sama hátt og dóprúsinn. Samsullið, klámiðnaðurinn,  

Uppþot í háskólum ´68, Marcuse, Maó og menningarbyltingin. Einfaldar klisjur áttu auðveldan aðgang að hugarheimi þess grúa nemenda, sem hrúgast höfðu í háskóla í Bandaríkjunum og víðar upp úr miðri 20. öldinni, hálfmenntun sem varð áberandi með nýrri skólastefnu, samfara menntunardrýldni, belgd út sjálfsmynd nemandans og pólitísk innræting ásamt boðun blauthyggjupostula, að allt væri leyfilegt, boð og bönn marklaus og þar með að “tabúið”, bannhelgin væri fjandsamleg frjálsu lífi og friði í heiminum, jafnframt uppspretta allrar kúgunar og styrjalda.

Eða, eins og öllum má vera vitanlegt, er stéttaskiptingin undirstaða og grundvöllur allrar menningar og siðræktar frá upphafi mannheima!

Sýnir reynslan að þau öfl, sem hafa haft mest áhrif til menningarlegrar og málfarslegrar niðurkoðnunar komu úr annarri átt en frá Kananum á Miðnesheiði þ.e. frá áhrifum sósíalista og ´68 kynslóðarinnar innan íslenska skólakerfisins.  

frmh. síðar.