Mannvist og vellystingar

  Hollywoodleikarar og ginningarfól úreltandi nútíma sjónlista
neðst á lista, aftast í röðinni; allir um stund með bros á vör!

Óskir og vilji og frelsi, tilraunir, talnabenda, statistik og reikniskúnstir. Sköpun, miðja í jaðrinum, lögmál, brygð. Fallít benda af laissez-faire, laissez-passér Friedrichs Hayeks og Miltons Friedmans. Kroppinbakar vísindalegs sósíalisma, Bakunin, Marx, Lasalle, Moses Hess, Alexander Herzen. Mennsk vitund og tilfinningalíf, jafngildi og fyllilega sambærilegt hvaða náttúrufyrirbæri sem er, óðum fjallalæk, á, hvaða kirtla- og vöðvakerfi náttúrunnar sem er, dínamó - innanmál strangvísindalegrar efnishyggju holdi klætt. Fróandi! Að öðru leyti allsendis óbundið. Samkvæmt játningu, hinn altæki og endanlegi sannleikur, viðaukinn hugmyndafræði hins ómögulega og mögulega. Hubris, fróun, uppfinning, staða mannsins, þjálfuð færni.
Hver eru og voru skúrgoð og goðmögn og þá vættur annars fallít talnabendu, hugmyndafræða og reikniskúnsta? Áar Pyþagórasar eða einn réttur og sléttur Helleni, heimshornasirkill, núllið eitt og stakt, kotra, spil? Leiftur og logi gyðis eða gyðju vaggandi í lendum, blikandi auga í skvaldrinu öðru hvoru megin við lágnættið. Eykt á kufli bláum, þá nær miðmundarbili, kollektíf óvissa, statistísk, spár, vilji, gnægð, illska, skortur, gæska, lýðræði. „Þykir mér, sem oss muni verr duga heimskra manna ráð er þau koma fleiri saman.” Ólafur pá.
Svei, svei. Vei, vei. Sei, sei jú, mikil ósköp. Önugheit og hálfkæringur, vanþóknun, hótfyndni, upp úr þurru, þurradramb. Hverjir voru Johann Friedrich Hamann, Immanuel Kant, Johann Gottfried Herder, Guiseppi Verdi? Sjá Against the Current - Essays in the History of Ideas. Pimlico. An imprint of Random House 1997, höf. Isaiah Berlin. Eartha Mae Kitt, Lennon, sopinn seyður.
Hvað er menning og nútímalistir vítt um kring? Sitt hvað? Verk og óunnin verk, ófullunnið verk, unnin verk? Ruglandi í stíl og formi, sljóvgun, sefjun, viðpyrna, angist, lull, líðandin skaðræðisháski í blúndubandi, blúndustéli á floti undan straumi, í iðukasti og útmældri röst.