Bitamunur ekki byrði

 Í ágúst

Við Vatnskotstúnið hímir bleikur hestur.

Ég heilsaði onum kunnuglegur í bragði;

það á hann sjálfsagt einhver næturgestur.

Hann leit á mig og þekti mig og þagði.

 

Á þjóðveginum

Á morgun ó og aska, hí og hæ

og ha og uss og pú og kanski og sei, sei

og korriró og amen, bí og bæ

og bösl í hnasli, sýsl í rusli og þey þey.

 

Þingvallavegurinn

Hér hefur veisla varað þúsund ár

og varir meðan æruprísinn sprettur,

bláklukkan fellir dulræn döggvartár

og deplar auga mófuglsúnginn nettur.

 

Fyrir sunnan söl og þara

sé ég hvíta örnu fara;

ber við dagssól blóðgan ara.

(Bona sera mia cara: innskot.)

Halldór Kiljan Laxnes.